საქართველოს პროგრესული ფორუმი ფრიდრიხ ებერტის ფონდის მხარდაჭერით იწყებს მონაწილეების შერჩევას პროგრესული იდეების სკოლის თემარტურ სემინარებზე:

ფემინიზმი და ქალთა მოძრაობები

სასემინარო მოდული მოიცავს, ფემინისტური აზრის ევოლუციას და ეყრდნობა ფემინისტურ თეორიაში საბაზისო ავტორებს, მოკლედ მიმოიხილავს ქალთა უფლებებისთვის ბრძოლის ძირითად, წყალგამყოფ ისტორიულ მომენტებს და ყურადღებას ამახვილებს ზრუნვის ეკონომიკაზე, ფემინისტური სოციალური პოლიტიკის თეორიასა და პრაქტიკაზე. გარდა ამისა, სემინარზე განიხილება, არა მხოლოდ გლობალური, არამედ ლოკალური გამოცდილებები და ქართულ რეალობაში მდგარი საჭიროებები თუ გამოწვევები. სემინარის ბოლო ნაწილი კი ეთმობა თანამედროვე ფემინისტური დღის წესრიგის განხილვას და თანამედროვეობაში მნიშვნელოვანი დებატების თუ დილემების ანალიზს.

სოციალური სახელმწიფო: თეორია და პრაქტიკა

სემინარი მიზნად ისახავს სახელწიფოსა და ეკონომიკის, სახელმწიფოსა და მოქალაქის ურთიერთმიმართებების შესახებ ალტერნატიული ხედვების გაანალიზებას. კერძოდ, კურსის ფარგლებში, სტუდენტებთან ერთად განვიხილავთ სახელმწიფოსა და კაპიტალის ურთიერთკავშირის შესახებ კლასიკურ თეორიებს, კეთილდღეობის სახელმწიფოს არსს, კეთილდღეობის სახელმწიფოს წარმოშობის ისტორიასა და ევოლუციას,  მის განსხვავებულ მოდელებსა და სოციალური პოლიტიკის ძირითად მიმართულებებს. გარდა ამისა, სემინარი დაეთმობა ნეოლიბერალური გლობალიზაციის კონტექსტში კეთილდღეობის სახელმწიფოს კრიზისზე მსჯელობას.

გარდა თეორიული მასალისა, სემინარი დატვირთული იქნება პრაქტიკული აქტივობებით. სამუშაო პროცესი მოიცავს დისკუსიებს, ინტერაქციულ სავარჯიშოებსა და სიმულაციურ თამაშებს, რომლებიც მონაწილეებს დაეხმარება უკეთ გაიაზრონ  მიღებული ცოდნა.

ტექნიკური საკითხები  (სრულად სანახავად გახსენით - ფემინიზმი, სოციალური სახელმწიფო)

• სემინარები გაიმართება გუდაურში,  31 მაისი 2 ივნისის პერიოდში.

• სემინარზე მონაწაილეობისთვის მინიმალური ასაკი არის 18 წელი.

• შერჩეული მონაწილეებისათვის უზრუნველყოფილი იქნება ტრანსპორტი თბილისი-გუდაური-თბილისი, ასევე სასტუმროში განთავსება და კვება. რეგიონებიდან ჩამოსული მონაწილეების თბილისამდე ან გუდაურამდე ტრანსპორტირების ხარჯები ანაზღაურდება მხოლოდ მგზავრობის ჩეკის ან ბილეთის წარმოდგენის შემთხვევაში. ტაქსით ან პირადი ავტომობილით მგზავრობა არ ანაზღაურდება.

• პროექტის მონაწილეობის  საფასურია 30 ლარი, რომელსაც აპლიკანტი იხდის მხოლოდ იმ შემთხვევაში, თუ მიიღებს შეტყობინებას პროექტის გუნდისგან, რომ იგი შერჩეულია სემინარის მონაწილედ.

მონაწილეობით დაინტერესებულმა პირებმა  უნდა შეავსონ სასურველ სემინარზე მონაწილეობის სააპლიკაციო ფორმა:

ფემინიზმი და ქალთა მოძრაობები     

სოციალური სახელმწიფო: თეორია და პრაქტიკა

დაგვიანებით შემოსული განაცხადები არ განიხილება!

სკოლის მონაწილეებს გადაეცემათ პროექტში მონაწილეობის დამადასტურებელი სერტიფიკატი. გარდა ამისა, მათ საშუალება ექნებათ შეუერთდნენ სკოლის ალუმნების ქსელს.

დამატებითი კითხვების შემთხვევაში მოგვწერეთ:

მეილზე: progresuliskola@gmail.com ან FB - ზე